عايزين يحكموها بلعافية ولاد الحافية
شبع بعد جووووع
وبيهددو ان لو يوم 30 نجح وحقق المرجو منو هيولعو فى البلد
زى ما هددو برضو فى انتخابات الرياسة المزورة
بس على مين دحنا مصريين
دة وانتو رايحين تصيعو كنا احنا لسة راجعين
هتضربو هنضرب ودم بدم والبادى اظلم يعنى قولنا هننزل يوم 30
قولتو هننزل يوم 28 يعنى هما عاملين حسابهم انهم نازلين علشان يخربوها وبعد كدة يقولك دة بتوع تمرد هما الى جم علينا احنا جينا قبلهم .بس صدقونى هتشيلو ليلة طين وانتو الى هتدفعو الفاتورة علشان انتو غلابة وبيضحك عليكو باسم الدين وعلشان انتو من شعب مصر الغلبان .طب حد يقولى اولاد مرسى مش هينزلو لية واولاد الشاطر واولاد القيادات الاخوانية كلهم مش هما اولى انهم يحمو ابوهم ورئيسهم ؟!!ومحدش فيهم هينزل وتقريبا كلهم دلوقتى برة مصر علشان هما اولاد اسيادكو وانتو خرفان عاملين زى القطيع وعادى لما يضحو بيكو من اجل مصالحهم الشخصية الماسونية ودليل على ان انتو ملكومش لازمة عندهم شوف بنت خيرت الشاطر بترد على واحد بيسئل لية ابناء القيادات الاخوانية مش هينزلو المظاهرات ..ردت علية المحترمة وقالتلو ننزل اية انتا عبيط !!!!!! والصورة اهى الى تثبت كلامى ... انتو بتشربو اية يا جدعاان ما تفكرو بقى وافهمو قبل ما البلد تخرب وعلشان ابنى وابنك يعيشو حياة كويسة مفيهاش كره وضغينة لبعضهم لمجرد ان اهليهم مختلفين فى الرئى بس ..دى مصر يا جدعان بلدنا الى ملناش غيرها والى منعرفش نعيش فى اى حتة غير مصر والى بنفتخر بيها وبنفتخر اننا مصريين ..رسالة للاخوان الغلابة الى هيكونو كبش الفدا لو هتنزلو متبدأوش بلضرب علشان متنزلوش ناويين الشر علشان
هتضربو هنضرب بقولها تانى وتالت البادى اظلم
وساعتها محدش يجى يعيط ويطلع على الشاشات ويقولك الثوار ودول كفار وملحدين وصلييبيين وان دى حرب صليبية وعايزين يخلو مصر علمانية و بيكرهو الاسلام وبيحاربو المشروع الاسلامى وطبعا كل دة اى كلام
حمادة يعنى
احنا نازلين يوم 30 علشان دينا الاسلام الى انتو فاهمينو غلط
وحافظينو مش فاهمينو .اى انسان عندو عقل وبيفكر هيعرف اننا لو اتعاملنا ب الاسلام كلنا هنرتاح وهنعيش احلى عيشة والمسيحى قبل المسلم هيرتاح لما شرع الله يحكمنا
وكل مواطن هياخد حقو .كهربا .مية .عيش . شغل . كرامة كل حاجة
انما بطريقتكم دى خليتو الدين علطول مكرمش وشو علشان الى بيطلع يقول عايزين نطبق شرع الله بيبقى نازل على وشو غضب ربنا ويخوف الناس من الاسلام ويفهمهم بطريقتو الغبية ان الاسلام بيقول ان حياتنا كلها حرام فى حرام ونسيو كلام ربنا ...
وان كنت فظ غليظ القلب لانفضو من حولك .....
وسبحان الله أجدع سماهم على وجوههم
وبيكون باين على وشهم انهم منافقين وتجار دين
وكل الى بيتكلمو فى الدين مبيتكلموش غير فى الحدود
ويخوفو الناس من الاسلام الى اسمو جاى من الاسلام فاهمين يا مسلمين
والى بيتكلم منهم عن الدين بيتكلم بطريقة سافلة ومنحطة
زيو كدة وزى تربيتو الواطية
ويشتم وكلام اخر وساخة ..حتى لو عندهم حق فى الى بينتقدوة
فا مينفعش برضو يشتمو بأسم الاسلام
سيدنا محمد (ص) قال
انما بعثت لاتمم مكارم الاخلاق .....
فاهمين يعنى اية يا شيوخنا يا اجلاء
الدين معاملة مش حد وعقاب ونار وعذاب
الاسلام دين اخلاق وسلام
...................................
معلش طولت عليكو .اسف على الاطالة
انتظرو المزيد ويا ريت الى عايز يتابعنى
يتفضل للمدونى بتاعتى فيها كل موضوعاتى
ويهمنى رئيكم بجد مهما كان سلبى او ايجابى
فهوا هيكون دعم لية مهما كان الرئى
'
'
'
'
'
'
'
'
'
الجندى المجهول
ليست هناك تعليقات:
إرسال تعليق